БІР АПТАДА 2 ОТБАСЫ САҚТАЛДЫ

Аудандық сотта өткен аптада ерлі-зайыптылардың неке бұзу жөніндегі азаматтық істері қаралды.

Бір аптада қаралған екі неке бұзу туралы азаматтық іс бойынша тараптарға татуласу мерзімдері берілген. Татуласу үшін сотпен берілген мерзім ішінде екі азаматтық істің де тараптары медиаторларға жүгінген. Медиаторлардың жүргізген жемісті жұмыстарының нәтижесінде олар отбасының шайқалуы дұрыс еместігін түсініп, бір-бірлеріне түсіністік танытқан. Аталған істер бойынша медиациялық келісім жасағандар Атырау облысы Қызылқоға ауданы бойынша кәсіби емес медиатор Ө.Дүйсәлі мен «Халықаралық құқық қорғау орталығы» РҚБ Медиация орталығының кәсіби медиаторы Р.Қалиева.

Сөйтіп, неке бұзу жөнінде аудандық сотта бір аптада қаралған екі азаматтық іс тараптардың медиация тәртібімен татуласуларына байланысты тоқтатылды.

 

Гүлмира ТІЛЕГЕНОВА

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelsizdikke-30-zhyl

Aqprint

Байланыс номерi :     +7 775 798 46 24     +7(7122) 45-85-21