Бүгін көктемнің алғашқы күнімен тұспа-тұс келетін Алғыс айту күні мерекесіне арналған мерекелік іс-шара өтті.

Атырауда 5 желтоқсан – Халықаралық волонтерлер күніне орай, өңірдің әлеуметтік салаларында белсенділік танытып жүрген волонтерлар тобының жетекшілері мен қарапайым еріктілер марапатталды. Бұл туралы Өңірлік коммуникациялар қызметі хабарлайды.

– Бүгін – Халықаралық волонтер күні. Біз өзгеге қол ұшын беретін жандарды әрдайым құрметтейміз. Еріктілер мейірімділік пен сүйіспеншіліктің, тілектестік пен жауапкершіліктің озық үлгісін көрсетіп келеді. «Адал азамат» тұжырымдамасының тірегі – осы мызғымас құндылықтар. Қоғамға пайдалы іс-шараларға атсалысатын, қайырымдылық жобаларын жүзеге асыратын және мұқтаж адамдарға қамқорлық танытатын барша азаматтарға алғыс айтамын. Сіздердің жасампаздыққа толы қызметтеріңіз – шынайы отаншылдықтың көрінісі. Мемлекет волонтерлерге қолдау көрсете береді, – деп жазды Президент өзінің Х парақшасына.

Қазақстан тарихында Конституциялық реформа – тегіннен тегін енгізіле салған дүние емес. Бұл өзгерістер бүгінде әлемде геосаяси жағдай құбылып тұрған шақта және саяси-экономикалық тұрақсыздық кезеңінде бүкіл ел тағдырына бейжай қарамай, Қазақстан тарихына деген жауапкершілікті биліктің барлық тармағы тең арқалауы үшін аса қажет. 

Еліміз егемендігін еншілеп, тәуелсіздігін алғалы бері өзге салалармен қатар, қазақ ғылымы да жаңару кезеңінен өтіп, оң өзгерістерді бастан кешіруде. Мемлекет басшысы Қасым-Жомарт Тоқаев ғылым саласының дамуына баса мән беріп отыр. Бұл бағытта жаңа мемлекеттік бастамалар көтеріліп, бағдарламалар қабылданып, жүзеге асырыла бастады.

{ytvideo

Қайта жаңғырған Республика күні биыл елімізде екінші рет тойланады, деп хабарлайды AtyrauPress тілшісі. 

Қазақстан халқы 25 қазан – Республика күнін қайтадан атап өте бастады. Былтыр мерекелер тізіміне енген бұл дата – елдегі жалғыз ұлттық мейрам. Ұзақ жылдар бойы ұмыт қалған Республика күні қалай қайта жаңғырды және бұл күні қазақстандықтар демала ма? Бұл туралы Sputnik Қазақстан сайты жазады.

Республика күнінің тарихы

Республика күнінің тарихы сонау тоқсаныншы жылдардан басталады. 1990 жылы 25 қазанда "Қазақ КСР-нің мемлекеттік егемендігі туралы" декларация қабылданды. Бұл Қазақстанның тәуелсіздік алуына жол ашқан маңызды құжат болатын.

Декларацияда Қазақстанның тәуелсіз мемлекет ретіндегі саяси-құқықтық негіздері жарияланды. Алғаш рет ел аумағының тұтастығы, қазақ халқының және басқа да ұлт өкілдерінің мәдениетін, дәстүрін, тілін қайта түлету, ұлттық болмысты қалыптастыру әрі нығайту сияқты мемлекеттік қағидаттар бекітілді. Осы декларацияның арқасында ҚазКСР өз ішкі әскерін, мемлекеттік қауіпсіздік пен ішкі істер органдарын құру құқығына ие болды. Ал президент елдің басшысына айналды.

Қазақстан тәуелсіздік алғаннан кейін Республика күні жыл сайын 25 қазанда аталып өте бастады. 1995 жылы 18 қазанда алғаш рет "ұлттық мереке" болып жарияланды. Алайда 2001 жылы бұл мәртебеден айырылып, "мемлекеттік мереке" санатына өтті. Ал 2009 жылы сәуірде мерекелер қатарынан мүлде алынып тасталды.

Осылайша он жылдан астам уақыт бойы 25 қазан – Республика күні тойланған жоқ.

Қайта оралған мейрам

2022 жылы президент Қасым-Жомарт Тоқаев Республика күнін қайтаруды ұсынды. Мемлекет басшысы оған "ұлттық мереке" мәртебесін беріп, Қазақстанның басты мейрамы ретінде атап өту туралы бастама көтерді. Тоқаевтың бастамасы халықтың қолдауына ие болып, дәл сол жылы заңға тиісті өзгеріс енгізілді. Сөйтіп былтыр Қазақстан халқы ұзақ жылдар бойы атаусыз қалған Республика күнін алғаш рет дүркіретіп атап өтті.

"Енді бұл мейрамды күллі ел болып жаңа мазмұнда атап өтетін боламыз. Қайта жаңғырған Республика күні – бұл халқымыздың рухын көтеріп, елдігімізді нығайта түсетін аса маңызды тарихи қадам", - деді былтыр президент Республика күніне орай Ақордада өткен салтанатты жиында.

Айта кетері, заңға енгізілген соңғы өзгерістерге сәйкес, Республика күні – елдегі жалғыз ұлттық мейрам. Республика сөзі латын тілінде "ортақ іс" деген мағына береді.

Республика күні демалыс па?

Қазақстанда ұлттық және мемлекеттік мереке күндері ресми түрде демалыс болып жарияланады. Егер мемлекеттік немесе ұлттық мереке демалыс күніне (сенбі, жексенбі) түссе, демалыс күндері бір күнге ұзартылады.

2023 жылы Республика күні сәрсенбіге түсіп тұр. Яғни 25 қазан күні қазақстандықтар демалады.

Республика күні қалай тойланады?

Ұлттық мереке қарсаңында президент жарлығымен елдің дамуына, халықтар арасындағы достық пен ынтымақтастықты нығайтуға елеулі үлес қосқан, белсенді қоғамдық қызметімен танымал азаматтар мемлекеттік наградалармен марапатталады. Мемлекеттік органдарда Республика күніне орай ресми мерекелік іс-шаралар өтеді.

Сонымен қатар концерттік бағдарламалар, фестивальдер, флешмобтар ұйымдастырылады. Ұлттық спорт түрінен сайыстар мен түрлі жарыстар өткізіледі.

Астана, Алматы сияқты ірі қалаларда мерекелік отшашу да ұйымдастырылады.

Біраз жылдан бері ұлттық мереке мәртебесінен айырылып, тойланбай келе жатқан Республика күні Мемлекет басшысы Қасым-Жомарт Тоқаевтың ұсынысымен мәртебесі қайтарылып, өткен жылдан бастап қайта тойлана бастады.

Құрметті жерлестер!