Академияның алғашқы оқу-жаттығу орталығы елордадағы Air Arena спорт кешенінде орналасады. FIFA талаптарына сай жабық футбол алаңы жас спортшыларға жыл бойы үздіксіз жаттығуға мүмкіндік береді.

Алғашқы маусымда академия 6-14 жас аралығындағы 300-ге жуық ұл мен қызды қабылдайды. Оқушылар жас ерекшелігі мен дайындық деңгейіне қарай топтарға бөлініп, «Пари Сен-Жермен» академиясының ресми оқу-жаттығу әдістемесі бойынша дайындықтан өтеді.

«Академияның басты мақсаты – балаларға әлемдік деңгейдегі футбол даярлау жүйесін қолжетімді етіп, олардың спорттық және тұлғалық дамуына жағдай жасау», – деді PSG Academy Kazakhstan жобасының негізін қалаушы Алмас Әлсенов.

Жоба балалар футболын дамытуға және қазақстандық жаттықтырушылардың кәсіби біліктілігін арттыруға да бағытталған. Академияның барлық бапкері PSG Academy бағдарламасы бойынша арнайы даярлықтан өтіп, «Пари Сен-Жермен» клубының техникалық мамандарынан тұрақты әдістемелік қолдау алады.

Соңғы жылдары Қазақстанда балалар футболына қызығушылық артып, спорттық инфрақұрылым қарқынды дамып келеді. Академияның алғашқы орталығы Астанада жұмысын бастайды. Алдағы уақытта жобаны еліміздің өзге өңірлерінде де іске асыру жоспарланып отыр.

«Қазақстанның PSG Academy халықаралық желісіне қосылуы балалар футболын дамытуға, жас спортшылардың әлеуетін ашуға және отандық жаттықтырушылардың кәсіби деңгейін арттыруға жаңа мүмкіндік береді», – деп атап өтті жоба ұйымдастырушылары.

Айта кетейік, «Қайрат» Чемпиондар лигасында «Левскиге» есе жіберді.

Жарыстың алғашқы төрт күнінің өзінде трансляциялар 85 миллионнан астам қаралымға қол жеткізді. Қазіргі қарқын сақталса, турнир аяқталғанға дейінгі жалпы аудитория көлемі 430-490 миллион қаралымға жетуі мүмкін.

Мұндай нәтижеге халықаралық медиасеріктестер желісінің айтарлықтай кеңеюі ықпал етіп отыр. Мәселен, биыл турнирдің медиасеріктестері саны 27-ден 54-ке, ал жарысты көрсететін стримерлердің саны 58-ден 120-ға дейін артты. Сонымен қатар трансляциялар 16-дан астам тілде жүргізіліп жатыр.

Турнир контенті Қытай, ТМД елдері, Латын Америкасы, Үндістан және әлемнің өзге де өңірлеріндегі жетекші телевизиялық және цифрлық платформалар арқылы таратылып жатыр. Негізгі серіктестер қатарында HUYA, BIGG TV, Play TV, XP Esports, VK, bilibili, Rutube және Douyu платформалары бар.

Көрермен аудиториясының артуына цифрлық платформалар да айтарлықтай ықпал етіп отыр. Алдыңғы турнирде барлық қаралымның шамамен 82 пайызы стримингтік сервистерге тиесілі болса, биыл бұл көрсеткіштің одан әрі өсіп келе жатқаны байқалады. Бұл фиджитал-форматтың жастар мен технологиялық аудитория арасында жоғары сұранысқа ие екенін көрсетеді.

Турнирдің ең жоғары көрермен көрсеткіштері алдағы финалдық жарыстар кезінде күтілуде. 5 тамызда Dota 2 турнирінің финалы өтсе, 8-9 тамызда Counter-Strike 2, Mobile Legends: Bang Bang және фиджитал-футбол жарыстарының жеңімпаздары анықталады. Сарапшылар дәл осы бәсекелер жалпы аудитория өсімінің негізгі драйверіне айналады деп болжап отыр.

«Болашақ ойындары — 2026» турнирінің Астанада ұйымдастырылуы Қазақстанның халықаралық деңгейдегі спорттық әрі технологиялық іс-шараларды жоғары деңгейде өткізе алатын ел екенін тағы бір мәрте дәлелдеп отыр. Миллиондаған шетелдік көрерменді қамтыған трансляциялар Қазақстанның халықаралық деңгейдегі танымалдылығын арттырып, еліміздің жаһандық фиджитал индустриясындағы позициясын нығайтуға ықпал етіп жатыр.

Еске сала кетейік, «Болашақ ойындары» — дәстүрлі спорт пен цифрлық технологияларды ұштастыратын халықаралық мультиспорттық турнир. Биылғы жарыс 29 шілде мен 9 тамыз аралығында Астана қаласында өтіп жатыр.