Бүгінде қоғамды алаңдатып, жұртшылықты толғантып отырған өзекті де күрделі мәселенің бірі — еліміздің, қала берді өңіріміздің құрылыс нысандарында өндірістік жарақаттанудың алдын алу және жүк көтергіш механизмдердің (мұнара крандары) операторларының тарапынан орын алатын өлім жағдайларын азайту, мүмкіндігінше оған жол бермеу болып табылады. Бұл мақсатта қандай нақты шаралар алынып, жүзеге асырылуда? Атап айтқанда, жүк көтергіш механизмдерде жұмыс істеу кезінде қызметкерлердің қауісіздігі қалай сақталуда? Осы сауалдар төңірегінде түсінік беру үшін  Атырау облысы бойынша төтенше жағдайлар департаменті бастығының орынбасары Сырым Жаймағамбетовті әңгімеге тартқан едік. 

«Таза Қазақстан» экологиялық акциясы елімізде жалпыұлттық сипат алып, өңірлердің экологиялық ахуалын жақсартуға тың серпін беруде. Аталған акция аясында аудан тұрғындарын тазалыққа шақыру, қоршаған ортаны қорғау мәдениетін қалыптастыру бағытында жүйелі жұмыстар жүргізілуде.

Президент Қасым-Жомарт Тоқаевтың Жолдауында тұрғын үй-коммуналдық шаруашылық саласындағы реформаларды жүйелі жүзеге асыру қажеттігі ерекше атап өтілді. Бұл – уақыт талабынан туындаған маңызды қадам. Себебі, ескі үйлерді күтіп ұстау, олардың инженерлік жүйелерін жаңарту бүгінгі күннің ең өзекті мәселесіне айналды.

Қаламызда санитарлық жағдайды жақсарту мақсатында кең көлемді рейдтік шаралар өтті. Бұл күндері шаһар көшелері мен ауласын аралаған топтар көзден таса кірбіңді іздеген сақшылардай, тазалықтың тәртібін қадағалады.

Қазіргі заманда қоғамның тұрақты дамуы мен экономиканың өркендеуінде еңбек адамдарының үлесі айрықша. Жұмысшы мамандығының беделін көтеру – уақытша шара емес, бұл – елдің болашағына бағытталған маңызды стратегиялық қадам. Еңбек адамына деген құрмет – мемлекетке деген сенім мен іргетасты нығайтумен тең.

Атырауда мұнай-газ саласындағы жасанды интеллект тақырыбына арналған Қазақстандағы алғашқы форум өтіп жатыр.

 Форум жұмысына облыс әкімі Серік Шәпкенов қатысты. Аймақ басшысы өз сөзінде мұнай-газ саласындағы ең ірі жобалардың Атырау облысында жүзеге асырылып жатқанын және өңірде айтарлықтай тәжірибе барын атап өтті.

«2025 жыл — Жұмысшы мамандықтарының жылы» деп жариялануы қоғамның жаңа саналық сатыға аяқ басқанын білдіреді. Өйткені қаншама жылдан бері көзге көп көрінбей жүрген еңбек адамдарының еңбегі енді әділ бағаланып отыр. Қоғамды тек ақылды идеялар емес, сол идеяны іске асыратын нақты қол мен қажырлы еңбек алға сүйрейді. 

Президент өз Жолдауында «Әділетті Қазақстан: заң мен тәртіп, экономикалық өсу, қоғамдық оптимизм» атты тақырыппен азаматтардың қауіпсіздігі мен мемлекеттік институттарға деген сенім әрқашан бірінші орында тұруы тиіс екенін орынды атап өтті. «Заң мен тәртіп» қағидаты – жай ғана ұран емес, әрқайсымыздың тыныш әрі сенімді өміріміздің нақты іргетасы.