Еліміз дамып өркендеген сайын ауданымызда да ауқымды жұмыстар жасалып жатыр.
Алайда, түйткілді мәселелер де аз емес. Соның бірі – «Миялы-Сағыз» тас жолының мәселесі. Басында бұл жол салынғанда бәріміз қуанғанбыз. Бірақ, соңғы жылдары әбден бүлінді. Ойқы-шойқы, толқын болып жатыр.
Мүмкін «Атырау-Ақтөбе» тас жолын салып жатқандарға «Миялы-Сағыз» жолының бетіне бір қабат асфальт құю жайлы ұсыныс білдірейік. Екінші мәселе – ауызсу. Қазір Миялының халқының тұтынып отырған ауызсуы кереметтей тұщы деуге келмейді. Ал, Тайсойғанның жерасты суы тұп-тұщы, әрі мамандардың айтуынша ол жақта су қоры мол.
Менің ендігі ұсынысым – Тайсойғанның жерасты суын Миялы мен Жангелдинге тарту. Осы арқылы ауызсу мәселесін біраз шешуге болады.
Мәлік СҮЛЕЙМЕНОВ,
Қазақстанның еңбек сіңірген жаттықтырушысы
