ЕГЕР КӨЛІГІҢІЗ ӨРТЕНСЕ...

Жақында аудан бойынша автокөліктің өртену фактілерінің көбеюіне байланысты аудандық төтенше жағдайлар бөлімі, №10, №12 өрт сөндіру бөлімдері, аудандық полиция бөлімі мен жергілікті полиция қызметінің қызметкерлері Миялы, Сағыз ауылдарында автокөліктегі өрттердің алдын алуға және қауіпсіздік ережелерін жеткізуге бағытталған профилактикалық рейдтік жұмыстар жүргізді.

Шара барысында жүргізушілерге өрт қауіпсіздігі ережелерін сақтау бойынша үгіт-насихат жүргізіліп, «Көліктегі өрт қауіпсіздігі» тақырыбында жадынамалар таратылды. Автокөліктегі өрттердің негізгі себептері көліктердің техникалық ақауынан және қозғалтқыш бөлігінің тоқ сымдарының қысқаша тұйықталуынан болады. Сондай-ақ, автокөлік жүргізушілері көліктегі тоқ сымдарына назар аудару маңызды екенін ескерген жөн. Көліктегі өртті болдырмауға және қауіптің орын алуын төмендету үшін жүргізушілер автокөлікті уақытында техникалық тексеруден өткізіп және техикалық жай-күйін бақылап отыруы қажет.

Ең алдымен әрбір автокөлікте жарамды өрт сөндіргіш болуы және қажет болған жағдайда қол жетімді жерде жатуы керек. Кез келген өрт сөндіргіштің жарамдылық мерзімі төрт жылдан аспайды, пломба сақталуға тиіс. Автокөлік иелері мен жүргізушілері көлік өртінің алдын алу үшін көлікті техникалық байқаудан уақытылы өткізіп, барлық электр жабдықтарының жарамдылығын бақылауда ұстау қажет. Магнитофонды, дабылқаққышты, қозғалтқышты іске қосу алдындағы жылытқыш құралдарын тек мамандандырылған орталықтарда орнатып, көлік салонында әрдайым өрт сөндіргішті ұстау керек. Сондай-ақ, қозғалтқыштың герметикалығын, жанармай аппаратурасының жарамдылығын қадағалап, көлік тұрақтарында тез тұтанатын заттарды ұстамамаған жөн.

Ал, жазатайым көліктен өрт шыққан жағдайда дереу 101 немесе 112 телефонына хабарлау қажет.

А.БАЙТҮГЕЛОВ,

аудандық төтенше жағдайлар бөлімінің инженері,

азаматтық қорғау лейтенанты

Сурет: ашық дереккөзден

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика