"7-20-25" бағдарламасы арқылы баспана алуға мүмкіндік мол
Елбасының бес әлеуметтік бастамасын жүзеге асыру аясында 2018 жылы «7-20-25» қолжетімді баспана бағдарламасы бастау алды.
Қазақстанның Ұлттық банкі бағдарламаны жүзеге асыру жұмысын өткен жылы шілдеде бастап, бүгінгі күнге 138 атыраулық отбасы тұрғын үйді несиелеу бойынша екінші деңгейдегі банкілерден қолдау тапты.
Облыс әкімдігі мен «Баспана» ипотекалық ұйымы» акционерлік қоғамы арасында «7-20-25. Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасын іске асыру аясында Меморандумға қол қойылды.
«Жалпы, бағдарлама басталғалы екінші деңгейдегі банктерге 265 өтініш түсіп, оның 155-і мақұлданды. Оның ішінде 138 өтінішке 1 миллиард 821 миллион теңге қаражат берілді» деді Нұрлан Асқарұлы.
Айқара Ғұмар
