Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Отбасындағы кикілжіңді сотқа дейін жеткізу сорлы адамның ісі

Семинардың мақсаты – отбасылық медиацияның негізгі қағидалары мен бағыттарын және еліміздегі отбасылық-тұрмыстық қақтығыстарды шешу үшін бітімдестіру рәсімдерін қолдану тәжірибесін толық және жан-жақты сипаттау.

Оған аудандағы кәсіби емес медиаторлар, аналар кеңесінің төрайымдары, аудандық сот мамандары мен қоғамдық ұйым өкілдері қатысты. Алдымен сөз алған аталмыш мекеме басшысының орынбасары Ләззат Жылқышиева:

– Медиация – бұл Қазақстан халқы Ассамблеясы айналысатын ең маңызды істердің бірі. Басты мақсат – қоғамдық келісімді нығайтып, достық пен толеранттылық идеяларын насихаттау. Медиация уақытты үнемдейді, ақша, дауға қатысушылардың эмоциялық күшін және дауда кімдікі дұрыс, кімдікі бұрыс екенін анықтауға немесе қалайда жеңуге, ұтуға емес, сындарлы шешімдерді іздеуге бағытталған, – деді.

Семинар барысында «Медиация дамыту орталығы» республикалық қоғамдық бірлестігі Атырау облысы бойынша өкілдігінің директоры Гүлбаршын Марданова, кәсіби медиатор Гүлбану Мәмбетова «Отбасы – адамзат бесігін тербеткен ұя» тақырыбында баяндамалар жасады. Ал, аудандық соттың бас маманы Базаргүл Әбдуалиева:

– Облыс бойынша ауданда екі тарапты медиация тәсілімен татуластыру қарқынды жүргізіліп отыр. Айтар болсақ, сотқа он іс түссе оның сегізі медиация әдісімен шешімін тауып, екі жақ бір мәмілеге келуде. Қазір аудандағы барлық округте екі-үштен кәсіби емес медиаторлар тағайындалып, аудандық сот ғимаратында, ауылдық округі әкімі аппаратында арнайы бөлме жасақталған, – деді.

Сонымен қатар, кәсіби емес медиатор Бағытжамал Жұмабаева іс тәжірибесінде кездескен істер бойынша мысалдар келтірсе, басқа да қатысушылар өз ойларымен бөлісті. Семинар соңында қатысушыларға серификат табыс етілді.

Гүлмира ТІЛЕГЕНОВА.

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және  коммуникациялар министрлігінде тіркелгені жөнінде 2018 жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз