Бүгін Жангелдин ауылында көп балалы отбасы жаңа баспанаға ие болды.
Балаларды қорғау күніне орайластырылған бұл қуанышты сәтте аудан әкімі Арман Баженов «Алтын алқа» иегері Меңдіғалиева Ақзираға салтанатты түрде жаңа үйдің кілтін табыс етті. Елімізде көп балалы отбасыларға жағдай жасау мемлекеттің бұлжымас қағидасы болғандықтан, ауданымызда да тұрғын үй құрылысын жүзеге асыру жұмыстары аясында тұрғындардың санаттылығына сай баспанамен қамту шаралары жүйеленген. Соның бір айғағы көпбалалы жанұялардың да әлеуетін ескеріп, баспанамен қамту шарасында жасалып жатырған қамқорлыққа жаңа қоныс иесі ризашылығын білдірді.
Заманауи үлгіде тұрғызылған төрт бөлмелі үйде тұрғындардың тұрмыстық қажеттіліктеріне сай барлық жағдай жасалған.
