Аудан әкімдігі баспасөз қызметінің мәліметіне сүйенсек, Ойыл ауылдық округінде тасқын судың алдын алу бағытында қарқынды жұмыс жүргізілуде.
Су бөгеттерін көтеру және олардың іргесін нығайту жұмыстары толық аяқталды. Бұл өз кезегінде елді мекендерді су тасқынынан қорғауға бағытталған маңызды қадам. Жергілікті билік пен жауапты мекемелер су деңгейінің тұрақтылығын жіті назарда ұстап отыр. Соңғы мәліметтерге сәйкес, округ аумағында су деңгейі 2-3 сантиметрге ғана көтерілген, алайда жағдай толық бақылауда. Тұрғындарға алаңдауға негіз жоқ, барлық тиісті шара уақытылы жүзеге асырылуда.
Б.ІЗБАН
