Облыстық дене шынықтыру және спорт басқармасының баспасөз қызметінің мәліметінше, жоба Қызылқоға ауданы әкімдігінің қолдауымен және «НСК “MVM-CONSTRUCTION”» ЖШС тарапынан жүзеге асырылған. Кешен футбол, волейбол, баскетбол, бокс, дзюдо және джиу-джитсу сияқты спорт түрлерімен айналысуға толықтай жабдықталған.
Аудан әкімі Қанат Азмұханов жаңа нысан елді мекендерде бұқаралық спортты дамытуға серпін беретінін атап өтіп, келесі жылы тағы бірнеше ауылда спорт кешендерін ашу жоспарланып отырғанын айтты.
Жаңа нысан тұрғындарға спортпен жүйелі түрде айналысуға кең мүмкіндіктер ұсынады.
