Мемлекет басшысының Қазақстан халқына жолдаған Жолдауы ел дамуының жаңа кезеңіне бастайтын маңызды құжат екендігі айқын. Себебі Жолдауда жауапкершілік жүктелген міндеттер мен бастамалар жатыр. Бұл ретте, биылғы Жолдаудың да мәні бөлек, маңызы зор болды.
Жолдауда біраз дүниені қамтыған Мемлекет басшысы азаматтардың қаржылық сауаттылығын арттыру мәселесіне де ерекше тоқталып, бұл бағытта жүзеге асырылып жатқан «Amanat» партиясының «Қарызсыз қоғам» жобасын әрі қарай жалғастыру маңызды екендігін де тілге тиек етті. Расымен де, партиямыздың бұл жобасы еліміздегі көптеген жанға пайдасы тиіп жатыр. Партиялық жоба аясында күні бүгінге дейін 845 мың адам қаржылық сауатын арттырып, заңгерлік көмек алып үлгерді. Мұндағы басты мақсат – халықтың қарызын азайту ғана емес, азаматтардың табысының тұрақтылығын қамтамасыз ету. Аталған жоба еліміздің түкпір-түкпірінде халықтың қаржылық білімін кеңейтіп, экономикалық тұрғыдан өмір сапасын арттыруға жол ашты. Бұл бағыттағы іс-шаралар кешенін «Amanat» партиясы алдағы уақытта да қарқынды түрде жалғастырады.
Жолдауда Президент эко-сана мен суды үнемдеу мәдениетін қалыптастыру жайында да сөз етті. «Таза Қазақстан» жалпыұлттық жобасын жүзеге асырып, атсалысып жүрген жастарға ерекше алғысын жеткізді. Тұрақты іс-шараға айналған «Таза Қазақстанға» рухтастардың қосқан үлесі ерекше. Былтырдан бері Жастар қанаты экологтер, еріктілермен бірлесе ауқымды жұмыс атқарды. 1 200 шақырымды қамтыған Road-эстафета, әр бейсенбі өтетін тұрақты тазалық акциялары мен түрлі экологиялық іс-шара қоғам белсенділігін арттырып, қоршаған ортаға деген жауапкершілікті тереңдетуге зор ықпал етіп жатыр. Бұл бастамалар экологиялық тәрбиенің үлгісіне айналып, ел болашағы үшін маңызды мәдени өзгерістерге жол ашады.
Альберт АҚҚАЙНАНОВ,
«Amanat» партиясы аудандық филиалының
атқарушы хатшысы
