Атырауда полиция күніне орай Сұлтан Бейбарыс алаңында «Қоғам қауіпсіздігі – басты міндет» атты мерекелік концерт ұйымдастырылды. Іс-шара ел тыныштығын күзетіп жүрген тәртіп сақшыларына деген құрметті білдіру, қала тұрғындары арасында патриотизм мен бірлікті нығайту.
Мерекелік кеште Атырау облысы полиция департаментінің көркемөнерпаздар ұжымы өз өнерлерін ортаға салды. Концерттік бағдарламада патриоттық әндер шырқалып, музыкалық қойылымдар көрермендердің ыстық ықыласына бөленді.
Іс-шараға қала тұрғындары мен қонақтары көптеп жиналып, полиция қызметкерлеріне деген алғыстарын білдіріп, тамаша көңіл-күймен тарасты.
