Атырау облысында ТШО-ның Әлеуметтік бастамалар бағдарламасы аясында азаматтық қоғамды дамыту саласында бірқатар табысты әлеуметтік жобалар іске асырылуда.
1. "Біз де адамбыз" ҚҚ-ның «Талшын» инклюзивті театры. Оның мақсаты - мүгедектігі бар қоғамның белсенді және дербес мүшелерінің дамуын, олардың әлеуметтенуін және шығармашылық әлеуетін ашуын қолдау.
Осы кезеңдегі үш негізгі нәтиже:
* Жоба аясында төрт бағыт — вокал, арбамен билеу, актерлік шеберлік және мүгедектерге арналған шеберлік сыныптары сәтті іске қосылды. Шығармашылық сабақтарға 95 адам қатысуда, бұл олардың әлеуметтік интеграциясы мен шығармашылық дағдыларын дамытуға ықпал етеді.
"Бір түп алма ағашы" және "Күшік күйеу"спектакльдері қойылды. Осы қойылымдардың арқасында 10 мүмкіндігі шектеулі адам актер ретінде алғаш рет өздерін сынап көрді, ал 15 - тен астамы би немесе вокалмен өнер көрсету үшін сахнаға алғаш рет шықты. Театр труппасы Атырау қаласында ғана емес, Құлсары мен Доссорда да гастрольдік сапармен болды. Нәтижесінде 720-дан астам адам өнер мен әлеуметтік инклюзияның ерекше үйлесімін тамашалай алды. Абай орталығында, жағалауда, Ретро саябақта және Қарттар үйінде 25-тен астам мүгедектігі бар адамдардың қатысуымен өткен шығармашылық концерттер 1500-ден астам көрерменді біріктірді.
1. "Жүректен жүрекке" ҚҚ "Тeniz Juregi "корпоративтік волонтерлікті дамыту" жобасы. Оның
мақсаты – «Теңізшевройл» корпоративтік волонтерлікті және әлеуметтік жауапкершілікті дамыту және іске асыру.
Осы кезеңдегі үш негізгі нәтиже:
Жобаның еріктілері 2 рет шабақтарды құтқару үшін акция өткізді. Нәтижесінде 67 ерікті 16.000-нан астам шабақтарды құтқаруға көмектесіп қана қоймай, табиғатты қорғауға және биоәртүрлілікті сақтауға ықпал етті.
Су тасқыны кезінде Атырау облысында 50-ден астам еріктілер қап жинауда, бөгеттерді нығайтуда және гуманитарлық қолдау көрсетуде көмек көрсетіп, дағдарыс жағдайында жұмыс тәжірибесіне ие болды, көшбасшылық қасиеттерін дамытып, өздерінің әлеуметтік жауапкершіліктерін арттырды.
"Teniz Juregi" еріктілері су тасқынына қарсы күрес кезінде белсенді қатысқаны және жанқиярлық көмегі үшін Қазақстан Республикасы Мәдениет және ақпарат вице-министрінің алғыс хаттарымен марапатталды. "Жүректен жүрекке" ҚҚ осы жобаны іске асырғаны үшін бірнеше республикалық және жергілікті марапаттарға ие болды.
1. "Janasha" ҚҚ "+ 50 ешқашан кеш емес".
Оның мақсаты - 50 жастан асқан адамдардың қоғам өміріне белсенді қатысуын ынталандыру, оларға жаңа дағдыларды игеру арқылы қоғамның маңызды бөлігі ретінде сезінуге мүмкіндік беру және кәрілікті тиімді жүргізу.
Осы кезеңдегі негізгі нәтижелер:
Жоба аясында қарт адамдарға білім беру және шығармашылық қызметке қатысуға мүмкіндік беретін әлеуметтік және мәдени инклюзия платформасы құрылды.
Қатысушылар жасына қарамастан, өз дағдыларын үйренуге және дамытуға мүмкіндік алады. Бұл олардың белсенді өмірлік ұстанымы мен өзін-өзі жүзеге асыруына ықпал етеді.
Йога және би сабақтарына қатысу арқылы жобаға қатысушылар денсаулықтарын нығайтады. Вокал сабақтары дененің танымдық процестерін де ынталандырады. Осылайша, жоба физикалық және рухани әл-ауқат арқылы қатысушылардың өмір сүру сапасын жақсартуға ықпал етеді.
Айта кетейік, әлеуметтік инвестициялар бағдарламасын "Теңізшевройл" компаниясы 2010 жылы іске қосты. Ол білім беруді, денсаулық сақтауды қолдауға, халықты еріктілер қозғалысына және аймақтың экономикалық дамуына тартуға бағытталған. Осы бағдарлама шеңберінде 23 жыл ішінде жалпы сомасы шамамен 18,3 млн. АҚШ. доллары жұмсалды.
