«Шалқыма» мәдениет үйінде «Әз, Наурыз– жаңару мен жаңғырудың бастауы» атты мерекелік шара ұйымдастырылды.  Алаңда киіз үй  тігіліп, наурыз көжелер мен бауырсақ тарту етіліп, салт-дәстүрлерден көріністер көрсетіліп, ұлттық спорттық ойындар ойнатылды.

Округ әкімі Мағжан Жексенов  барша ауыл тұрғындарын мерекемен құттықтап, Жасқайрат  жастарына барлық шараларға белсенділік танытқандары үшін "Алғыс хат" табыс етті. Бұдан кейін Ш.Т.Еркінов атындағы орта мектебі  - «Бесікке салу» рәсімін көрсетсе,  "Өрімтал" бөбекжай  балабақшасы  «Қазан көтер» рәсіміне көрініс көрсетті.

Ұлттық спорттық ойындарына қатысқан ауыл жастары арасынан Асық ату ойынынан М.Нұржанов 1 орын,  Мейрамбек Бақтығали 2 орын иеленсе, Жарас Қарасартов 3 орынға ие болды. Сонымен қатар, қол күрестен-Жәнібек Тілеш 1 орын, Орақ Байшеркешов 2 орын, Асыланбек Құлбатыров  3 орынға ие болды. Әр жылғы жастар арасында өткен арқан тартыстан «93» тер командасы І орын алса, «2001» лер ІІ орын, «96»лар командасы ІІІ орын алып, ақшалай сыйлықтармен марапатталды. Ауыл тұрғындары күйіз үйден дәм татып, алғыстарын білдірді.

Кәмшат ӘБІШ