Жақында жас педагогтердің кәсіби құзыреттілігін, білім беруде және тәрбие қызметіндегі орнын айқындау мақсатында «Дарынды оқушыға – талантты ұстаз» атты байқаудың облыстық кезеңі өтті.
Оған еңбек өтілі бес жылға дейінгі педагог, психолог, тәлімгер қатысып, жас мамандар «Өзін-өзі таныстыру» және идеялары мен жобаларын қорғау бөлімдері бойынша сынға түсті. Нәтижесінде, мұғалімдердің өзін-өзі таныстыруының креативтілігі мен мәдениетін, жас педагогтардың біліктілігі сараланып, Ы.Шөреков атындағы мектеп-гимназиясы химия пәнінің мұғалімі Альвина Молдағали ІІ орынды иеленіп, республикалық кезеңге жолдама алды. Ал Ы. Шөреков атындағы мектеп-гимназиясының психологы Әсет Нұралы мен Сағыз орта мектебінің тәлімгері Әйгерім Іскендірова ІІІ орынға ие болды. Ендеше, облыс намысын қорғайтын жас ұстаз Альвина Молдағалиға сәттілік тілейміз.
Гүлмира МАҚСОТҚЫЗЫ
