Таяуда «Нұр-Шуақ» бөбекжай балабақшасында тәрбиеші-педагогтар арасында өздерін-өздері тану, құрметтеу, ортада еркін сезіну бағытында «Өзіңді-өзің таны» тақырыбында тренинг өтті.
Тренинг барысында тәрбиеші-педагогтарға адам өзін-өзі жетілдіру үшін ең алдымен күш-қуатына, біліміне сену, өз бойына табандылық, шыдамдылық сияқты қасиеттерді қалыптастыру керек екендігі айтылды. Сондай-ақ, «Өз қабілетіңді таныт бөлімінде» тренингке қатысушылар адам қабілетінің дамуына еңбексүйгіштік, табандылық, өзін-өзі билей алушылық көмектесетіндігін, ал, білімнің таяздығы, дағдысының болмауы, жалқаулық кері әсер ететіндігін жеткізді. Шара соңында тренингті педагог-тәрбиешілер «Суретті тест» жаттығуы арқылы бағалады.
