Қазіргі таңда елімізде Конституциялық реформа жүзеге асырылып жатыр. Конституция жобасына енгізілген бірқатар өзгеріске жұртшылық тарапынан қызығушылық туындап, ұсыныс-пікірлерін жеткізуде.
Бұл ретте жобада ана мен баланың құқығын қорғау, ата-ана жауапкершілігі, табиғатты аялау, волонтерлік секілді қоғамдық дамуда пайда болған жаңа талаптар, құндылықтар, стандарттар қамтылған. Соның ішінде цифрлық деректерді қорғайтын бап та бар. Яғни 21-баптың 2-тармағында «Банк операцияларының, жеке салымдар мен жинақтардың, жазысқан хаттардың, телефон арқылы сөйлескен сөздердің, пошта хабарламаларының және байланыс құралдарының, оның ішінде цифрлық технологияларды қолдану арқылы берілетін өзге де хабарламалардың құпиясы заңмен қорғалады» деп бекітілген. Егер заң күшіне енетін болса еліміздегі интернет алаяқтығымен күрес жүзеге асырылып, деректерді сақтау Конституциялық тұрғыда жақсы қорғалатын болады.
Зинеден МОЛДАҒАЛИЕВ,
мұнайшы
