Конституциялық өзгерістер ел өміріндегі маңызды кезең екендігі анық. Мемлекет басшысы Қасым-Жомарт Тоқаев атап өткендей, бұл реформалар «Әділетті Қазақстанды» қалыптастыруға бағытталған.
Негізгі заңның жаңаруы қоғамдағы теңдік пен әділдікті нығайтуға негіз қалады. Президент билік халыққа жақын болуы керек екенін үнемі айтып келеді. Осы өзгерістер соның нақты көрінісі деп ойлаймын. Бұл өзгерістер ел басқару жүйесін жетілдіріп, халықтың мемлекетке деген сенімін арттырады. Негізгі заңның заман талабына сай бейімделуі – мемлекеттің дами түсуіне жол бастайтындығын көрсетеді. Сондай-ақ, жаңа реформа ел дамуының жаңа кезеңінен бастап, азаматтардың құқықтары мен бостандықтарын қорғайды. Ең бастысы, бұл аталған дүниелер келер ұрпақ үшін әділетті қоғам қалыптастыруға негіз болады. Сондықтан аталған өзгерістердің маңызы зор.
Абат Рашқалиев,
Жаңашаруа орта мектебінің директоры
