Ұлттық құрылтай – ел тағдырына қатысты өзекті мәселелерді талқылап, маңызды шешімдер қабылданатын ашық диалог алаңы. Бұл құрылтай – билік пен қоғам арасындағы байланысты нығайтып, халықтың талап-тілегін ескеретін маңызды қадам.
Сан түрлі сауалға жауап іздеп, елдің әлеуметтік, мәдени, экономикалық дамуына бағыт-бағдар беретін алаң ретінде ерекше маңызға ие. Биылғы құрылтайдың басты бағыттарының бірі – отандық кино және анимация өндірісіне идеологиялық тұрғыдан мән беру. Ұлттық құндылықтарды дәріптейтін, тарихи сананы жаңғыртатын сапалы туындылар әзірлеу – қоғам үшін өзекті мәселе. Кино мен анимация – тек мәдениет саласы ғана емес, ұлттық идеологияны қалыптастыратын қуатты құрал. Құрылтайда бұл саланы дамыту, жас буынның бойына отансүйгіштік рухты сіңіру және ұлттық бірегейлікті сақтау мәселелері көтеріліп, нақты ұсыныстар талқыланды. Осы арқылы ұлттық идеяны кеңінен насихаттау мен мәдени мұраны келер ұрпаққа жеткізуге басымдық берілмек.
Ұлттық құрылтай – елдің бірлігін нығайтып, жарқын болашаққа бастайтын маңызды бастама.
Самғат ҚАЙРАТҰЛЫ
Қызылқоға ауданы
