2025 жылғы 16 шілдеден бастап Қазақстан Республикасының Қылмыстық кодексіне 115-1-бап - «Сталкинг» енгізілді. Аталған бапта адамды оның келісімінсіз қудалау, қалаусыз байланыс орнату, аңду және жеке өміріне заңсыз араласу үшін қылмыстық жауапкершілік көзделген.
Жауапкершілік шаралары:
• 200 айлық есептік көрсеткішке (АЕК) дейін айыппұл;
• 200 сағатқа дейін қоғамдық жұмыстар;
• 50 тәулікке дейін қамау.
Егер қудалау әрекеттері қорқыту, бопсалау немесе зорлық-зомбылықпен қатар жүрсе, кінәлі тұлғалар Қылмыстық кодекстің өзге де баптары бойынша неғұрлым қатаң жазаға тартылады.
Аталған заңнамалық өзгеріс азаматтардың қауіпсіздігін қамтамасыз етуге, әсіресе әйелдер мен балалардың құқықтарын қорғауға бағытталған.
