Мемлекет басшысы биылғы Жолдауында денсаулық сақтау саласын мемлекеттің негізгі әлеуметтік басымдығы ретінде айқындап, бұл бағытта нақты реформалар жүргізу қажеттігін атап өтті.
Шын мәнінде, халықтың әл-ауқаты мен елдің болашағы – ең алдымен, азаматтардың денсаулығымен тікелей байланысты. Медициналық инфрақұрылымды дамыту, жаңа ауруханалар мен емханалар салу – ауыл мен қала тұрғындарына сапалы медициналық қызметтің қолжетімді болуына жол ашады. Бұл бастама – елдің әрбір азаматының өмір сапасын арттыруға бағытталған маңызды қадам. Президенттің тапсырмалары еліміздің денсаулық сақтау жүйесін жаңа деңгейге көтеріп, заманауи, тиімді және халыққа жақын етуге мүмкіндік береді.
