Атырау облысында 24–27 қазан аралығында Республика күніне арналған «Republic Day» акциясы аясында ірі сауда орталықтарында тұрғындарға арнайы жеңілдіктер ұсынылуда,- деп хабарлайды Өңірлік коммуникациялар қызметі.
Infinity Mall, «Тамаша», «Байзар», «Атырау» және басқа да ірі сауда үйлерінде тұрмыстық техникадан бастап, киім-кешек пен күнделікті тұтынуға арналған тауарларға дейін 10%-дан 50%-ға дейінгі жеңілдіктер қарастырылған. Сонымен қатар мереке қарсаңында Атырау қаласында азық-түлік өнімдерін қолжетімді бағамен ұсыну мақсатында «Жеңілдіктер түні» акциясын өткізу жоспарлануда. Бұл іс-шара 24 қазанда сағат 18:00–23:00 аралығында өтеді.
