Президент Қасым-Жомарт Тоқаевтың биылғы Жолдауында көтерілген бастамалар – елдің болашағы үшін аса маңызды қадамдар. Әсіресе, ауыл шаруашылығына ерекше назар аударылғаны біз, ардагерлер үшін қуанышты жайт. Өйткені аграрлық сала – халықтың азық-түлік қауіпсіздігінің, экономикалық тұрақтылығының негізгі тірегі.
Кезінде ауыл еңбегін өмірлік мұрат еткен жан ретінде айтарым: мемлекет тарапынан көрсетіліп отырған қолдау – ауыл еңбеккерлерін ынталандырып, жаңа мүмкіндіктерге жол ашады. Жастардың ауылға келіп, жаңа технологияларды игеруіне жағдай жасау – еліміздің болашағы үшін стратегиялық маңызы бар іс.
Бұл Жолдау – ауыл шаруашылығын дамытуға тың серпін беріп, ел ырысы мен бірлігін нығайта түсеріне сеніміміз мол.
Тілек ҚАЛИЕВ, ардагер
