Ғалым, қоғам және мемлекет қайраткері, ағартушы, педагог, дәрігер, профессор Халел Досмұхамедұлының туғанына 140 жыл толуына орай ауданда «QYZYLKOGA QUIZ» интеллектуалдық ойыны өтті.
Шарада 100-ден астам медицина, білім, құқық қорғау, мәдениет, мемлекеттік қызметтер салаларында және ауылдық округтерде қызмет атқаратын жастардан құралған 20-дан аса команда қатысты.
Тартысты ойын өрнегіне аудан әкімінің орынбасары Ж.Есенғалиев, ішкі саясат бөлімінің басшысы А.Ақтаев, Атырау қалалық жастар ресурстық орталығының басшысы А.Төлеген төрелік етті.
Бәсекелестікке толы ойын өрнегі 6 кезеңнен құралып түрлі бағытта сұрақтар қойылды.
Сайыс қорытындысында мәдениет саласының жастарынан құралған «Ақ пен қара» тобы 1 орын иеленсе, Халел Досмұхамедов атындағы орта мектеп ұстаздарынан құралған жастар 2 орын, ал Ы.Шөреков атындағы орта мектеп 3 орынды иеленді. Жеңімпаздарға арнайы сыйлықтармен дипломдар берілді.
