Таңдай ауылында жалпыұлттық "Таза Қазақстан" экологиялық акциясы аясында тазалық жұмыстары тұрақты түрде жүргізілуде.
Акцияның негізгі мақсаты – елді мекеннің санитарлық жағдайын жақсарту, тұрғындардың экологиялық мәдениетін арттыру және қоршаған ортаға ұқыпты қарауға үндеу болып табылады.
Аталған акция аясында:
Мекемелер мен ұйымдар өз ғимараттарының айналасын тазалады;
Ауыл тұрғындары аулалары мен үй іргелерін ретке келтірді;
Көшелер бойындағы қоқыстар жиналып, арам шөптер шабылды;
Қоқыс шығару және күл-қоқысты төгетін орындарды тәртіпке келтіру жұмыстары жалғасуда.
«Тазалық – бәрімізге ортақ іс!» қағидасын ұстанған таңдайлықтар ауылды таза, көрікті ұстау жолында белсенділік танытып келеді.
Барша ауыл тұрғындарын қоршаған ортаны қорғауға, сенбіліктерге белсене қатысуға шақырамыз.
Г.СӘДУАҚАС
