Жақында «Нұр-Шуақ» бөбекжай балабақшасында "Шебердің қолы ортақ" атты фетр матасынан жасалған бұйымдардың көрмесі өтті.
Көрмеге майтабандылықтың алдын алатын массаж кілемшесі, балалардың ой өрісін дамытатын ойыншықтар, қол икемділігін арттыратын құрылғылар қойылды. Мұның барлығын балабақша педагогтары өз қолдарымен жасап, дайындады.
Көрмеге қатысқан балабақша меңгерушісі Бағытжамал Жұмабаева:
– Бұл ерекше көрме болды. Әсіресе, балаларды жан-жақты дамытуға арналған қолөнер бұйымдары асқан шеберлікпен жасалған екен. Енді бұл дүниелерді алдағы уақытта тәрбиешілер сабақтарына қолданатын болады. – деп, көрмеге ат салысқан барлық педагогтарға Алғыс хат табыс етті.
Айзада ШОЙЫНБАЙҚЫЗЫ,
«Нұр-Шуақ» бөбекжай балабақшасының бейнелеу өнері маманы
