Отан қорғаушылар күніне орай аудандағы «Арман» мәдениет үйінде салтанатты жиын өтті.

Тәуелсіз еліміз шекарасын бекітіп, әскери қорғанысын құрған біртұтас айбынды мемлекет болғалы 7 мамыр - мемлекеттік мерекелердің бірі ретінде зор маңызға ие болып келетінін айғақтайтын жиында аудан әкімі Арман Баженов қатысушыларды құттықтап, еліміздің қорғаны болар қайсар мінезді сардарларымыз бен сарбаздарымызға қандай құрмет те лайықтылығын жадылады.

Бабаларымыздың жауынгерлік дәстүрін заңды жалғастыру сапындағы Отан қорғаушылар күнімен тұстасқан рамазан айының басталуымен лебізін жалғаған аудан басшысы күллі мұсылман қауымына ұстаған оразаларыңыз қабыл болсын деген тілегін қосты.

Салтанатты жиын соңында аудан өнерпаздары мерекелік бағдарламаларын ұсынды.