Жылына 1,25 млн тонна полиэтилен өндіретін болашақ зауыттың құрылыс алаңында атыраулық қоғам белсенділері мен мәслихат депутаттарына арналған ақпараттық тур өтті.
Іс-шараны Силлено компаниясы жобанының жүзеге асу барысын ашық көрсету мақсатында ұйымдастырды.
Қатысушылар құрылыс барысымен танысып, пиролиз қондырғысының алаңын аралап көрді, жобаның жүзеге асырылуы, қоршаған ортаны қорғау және болашақ өндірісте қолданылатын технологиялар туралы сұрақтар қойды.
Полиэтилен өндіру зауыты жобасы Қазақстанның мұнай-газ химиясы саласы үшін стратегиялық маңызға ие және ол ел өнеркәсібін дамытуға, жаңа жұмыс орындарын ашуға және жергілікті өндірісті кеңейтуге айтарлықтай үлес қоспақ.
