Аудандық орталық кітапханада «Көктем күніндей құлпырған, әр түсте алуан сыр тұнған» атты тақырыппен түрлі-түсті кеш өтті. 

Кітапхана қызметкерлері де түстер мағынасын ашып, сол түске байланысты таңдалған кітапқа қысқаша шолу жасап, таңдалған түске мәнерлеп өлең оқу, түске байланысты ән орындау, мақал-мәтелдер, тыйым сөздер  айтудан өз өнерлерін көрсетті. Кенжегүл Сатаева, Гүлнар Үмбетбаева – ақ түс, Айгерім Татишева, Райхан Шауткенова – қызыл түс, Ризагүл Оңайбайқызы, Гүлдана Лукбанова – жасыл түс, Гүлзия Спанова, Айкөркем Тайлыбекова – көк түс, Майра Утежанова, Нұргүл Жиеналина – қара түстермен шығып, әр түстің мағынасын ашып берді.

Сонымен қатар,  таңдалған түске байланысты кітапқа қысқаша шолу жасалып, қазақ ақынынының  таңдалған  түске  қатысы бар өлеңін мәнерлеп  оқып, түске байланысты ән орындап, таңдалған түске байланысты мақал-мәтелдерді айтып, қатысушыларымыз әр түстің түріне қарай дайындап әкелген тағам түрлерін таныстырды.  
 Көңілді кешті сарапшылар саралап, кітапхана директорының орынбасары Гүлжан Смағұлқызы қортындылап, қатысушыларға естелік сыйлықтар табыс етілді. 

Кәмшат ӘБІШ