Бүгін №10 өрт сөндіру бөлімі ғимаратының алдында көктемгі су тасқынының алдын алу мақсатында көмекке келген облыстық төтенше жағдайлар департаментінің құтқарушыларын салтанатты түрде шығарып салу рәсімі өтті.
Онда аудан құтқарушыларға аудан халқының алғысын жеткізген әкімі Қанат Әзмұханов:
«Су тасқынына тосқауыл қоюда жедел көмекке келгендеріңіз үшін аудан тұрғындары атынан шынайы алғысымды білдіремін! Қашан да игі істердің басынан табылып, елдің алғысына бөлене беріңіздер» деді.
Салтанатты шарада аудан әкімі облыстық төтенше жағдайлар департаментінің бастығы, полковник Нұрлан Жаңабаевты «Қызылқоға ауданының әлеуметтік-экономикалық дамуына қосқан үлесі үшін» төсбелгісімен марапаттап, құтқарушыларға Алғыс хат табыс етті.
Бауыржан ОҚАСҰЛЫ
