banner_damu

Атырау облысында салынатын 25 мешіт құрылысына бюджеттен қаржы бөлінбейді

Бұл туралы бүгін Атырау облысы Дін істері басқармасының басшысы Қайролла Көшқалиев айтты.

«Бүгін облыстық коммуникациялар қызметінде өткен онлайн брифингте Атырау облысының Бас имамы Алтынбек Ұтысханұлы алдағы жылдары аймақта 25 мешіт салынатындығы туралы хабарлаған болатын. Мешіттер құрылысына мемлекет бюджетінен қаражат бөлінбейді. Рухани орда тұрғызу – тікелей мүфтияттың демеушілер арқылы шешетін мәселесі. Дегенмен, облыстық Дін істері басқармасы тарапынан мешіт салынатын жер аумақтары бекітілді. Атқарушы органдар мешіттердің қаржылық – шаруашылық жұмыстарына араласпайды. Біздің міндетіміз – құлшылық үйлерінде ҚР Діни қызмет және діни бірлестіктер туралы заң талаптарының және ішкі тәртіп мәселесінің сақталуын қадағалау» деп атап өтті Атырау облысы Дін істері басқармасының басшысы Қайролла Көшқалиев.

Атырау облысының Бас имамы Алтынбек Ұтысханұлы қала, аудан және шалғай ауылдарда тұрғызылатын 25 мешіт құрылысының алдағы 5-7 жыл шамасына жоспарланып отырғанын айтты.

«Қазіргі таңда мешіттердің нақты салынатын орындары бекітілді. Мешіт салудың да өзіндік талаптары бар. Мәселен, мешіт ең алдымен заманауи және қазаки нақышта салынуы тиіс. Сонымен бірге, мешіт жанынан имам үйі, асхана, дәретханасы салынуы керек. Осындай құрылыстардың барлығын демеуші толықтай өз жауапкершілігіне алуы тиіс. Мұндай шарт жергілікті жерлерге діни кадрларды тұрақтандыру үшін маңызды» дейді Атырау облысының Бас имамы Алтынбек Ұтысханұлы.

Atr.kz

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика