Ақтау қаласында халық батыры Шотан Назарұлы атында дзюдодан жасөспірімдер арасында V республикалық ашық турнир өтті.

Жарысқа Ресей, Өзбекстан мемлекеттері мен Шымкент, Қызылорда, Батыс Қазақстан облыстарынан балуандар қатысты. Турнирде біздің ауданнан төрт балуан бақ сынады. 66 келіде сынға түскен миялылық Саламат Жандарбеков екінші орынға қол жеткізсе, сағыздық Дидар Аманжол 50 келі салмақта үшінші орынды иеленді. Сонымен қатар, қос балуан аталмыш турнирде «Қазақстан Республикасы Спорт шеберлігіне үміткер» атағына ие болды.

Осы тұста жүлдегерлерді жарыс жолына дайындап жүрген жаттықтырушы Рүстем Ғұмаров пен Сәлімгерей Нұрболғановтың еселі еңбек сіңіргенін айта кеткен жөн.

Нұрәділ БИЖАН