Таяуда Хорватия астанасы Загреб қаласында жасөспірімдер арасында дзюдо күресінен Еуропа Кубогы өтті.

35 елдің кіл мықтылары қатысқан байрақты бәсекеде 50 келіде ел намысын қорғаған сағыздық Ерхан Мұрат алғашқы белдесулерінде Италия, Украина, Грузия, Израил және Венгрия елінің балуандарын қапы қалдырып, ақтық сынға шықты. Финалда тағы бір грузиялық қарсыласын таза жеңіп, алтыннан алқа тақты. Бұл Ерханның әлемдік деңгейдегі алғашқы алтыны. Ал, оның осындай жетістікке жетуіне бапкері Сәлімгерей Нұрболғановтың қосқан үлесі зор. Ендеше, Ерхан батырды осы жеңісімен құттықтай отырып, жеңісті күндер көп болсын деп тілек айтамыз.

Дулат МӘТЖАН