Жақында Атырау қаласында пауэрлифтинг және армрестлингтен облыстық чемпионаттың іріктеуі өткізілді.

Аталмыш сайыста армрестлингтен 85 келіден жоғары салмақ дәрежесінде Амангелді Арыстанбек І орынды иеленіп, ел чемпионатына жолдама алды. Сондай-ақ, таяуда Атырау қаласында тірек-қимыл аппараты зақымдалған мүмкіндігі шектеулі спортшылар арасында үстел теннисінен облыстық іріктеу чемпионаты өтті. Оған аудан спортшылары қатысып қайтты.

Нәтижесінде, Ұлжан Қаламғали ІІ орынды, жекелей сында Азамат Тельманұлы пен Асланбек Қаматов ІІІ орынды иеленді.

Гүлмира ТІЛЕГЕНОВА