Қызылорда қаласында Қазақстан Республикасы Мәдениет және Спорт министрлігінің Спорт және Дене шынықтыру істері комитетінің ұйымдастыруымен белбеу күресінен ерлер мен әйелдер арасында Қазақстан чемпионаты болып өтті.
Сол жарыста, 75 келі салмақта бақ сынаған Аманбек Аруов барлық қарсыластарынан басым түсіп Қазақстан чемпионы атанды. Сөйтіп, Аманбек, қараша айында Ресейдің Қазан қаласында өтетін белбеу күресінен Әлем чемпионатына жолдаманы ұтып алды. Айта кету керек, бұған дейін де Аманбек аталмыш күрес түрінен маусым айында болған Қазақстан Республикасының Кубогін жеңіп алған болатын.
Нұрәділ БИЖАН
