Жақында Шымкент қаласында парадзюдодан Қазақстан Республикасының Кубогы үшін жарыс өтті.

Оған еліміздің барлық өңірінен көру жүйесі зақымданған парадзюдошылар қатысып, екі күн бойы боз кілемде белдесті. Байрақты бәсекеде J1 санатында 90 келі салмақта облыс намысын қорғаған Абылай Әділбеков алғашқы белдесулерінде Астана қаласы мен Түркістан облысының балуандарын жеңіп, ақтық сынға шықты. Ал, финалда  тағы бір астаналық балуанмен белдесіп, сәл ғана ұпай айырмашылығымен жеңіліп, күміс жүлдегер атанды. 
Бүгінде атыраулық бапкер Жандос Қияновтың қол астында жаттығатын Абылай осы жеңісінен кейін наурыз айында Мысыр елінің Александрия қаласында өтетін Гран-При жарысына дайындықты бастап кетті. Ендеше, жерлес балуанға «Сәттілік серік болсын» демекпіз. 
Дулат МӘТЖАН