Индер ауданы Көктем қазақ орта мектебінде жұмысшы мамандықтар жылына орай 9-10 сынып оқушыларына арналған кәсіби бағдар беру кездесуі өтті. Іс-шараға аталған мектептің түлектері – қазіргі таңда колледжде білім алып жатқан "Дәнекерлеу ісі" мамандығының ІІ курс студенті Әділхан Жұбанғалимен "Тамақтандыруды ұйымдастыру" мамандығының ІІІ курс студенті Жайнагүл Исатай қатысты.
Кездесудің мақсаты – колледжде білім алудың ерекшеліктері мен артықшылықтары туралы оқушыларға жан-жақты мағлұмат беру, жұмысшы мамандықтарына деген қызығушылықтарын арттыру және әр оқушының өз қабілеті мен бейімділігіне сай дұрыс мамандық таңдауына бағыт-бағдар көрсету.
Шақырылған студенттер колледждегі оқу үдерісі, тәжірибелік білімнің маңыздылығы мен еңбек нарығындағы сұранысқа ие маман иесі болу жолындағы мүмкіндіктер туралы кеңінен баяндап, колледж — тек білім ордасы ғана емес, сонымен қатар заманауи икемді дағдыларды қалыптастыратын маңызды орталық екенін атап өтті.
"Дендер"-Ақпарат
