Елдің ертеңі саналып, болашақтың іргетасын қалаушы жастар елімізде болып жатқан саяси оқиғалардан да тыс қалып көрген жоқ.
Ел ертеңіне бей-жай қарамайтын жастар қаңтар айында өтетін сайлауда да белсенділік танытады деп сенемін. Жастар осы жолы тек дауыс беріп қана қоймай өздері де кандидат есебінде саяси додаға түсе алады. Ол туралы Қазақстан Республикасының президенті Қасым-Жомарт Тоқаев ел халқына арнаған үндеуінде айтты. Президент: «Келесі жылы өтетін сайлауда өзгерістер көп болады. Осы сайлаудан бастап партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде қарастырылып отыр. Және де бұл өзгеріс олардың еліміздегі қоғамдық-саяси үдерістерге белсенді қатысуына өз септігін тигізеді» деген болатын.
Бұл жастарға берілген зор мүмкіндік. Сондай-ақ, сайлауға енгізілген бұл жаңалық жалынды жастарға ашылған даңғыл жол деп білемін. Сондықтан да барша жастарды осы сайлауға белсене қатысуға шақырамын. Бұл ел болашағын айқындайтын саяси дода болғандықтан бәріміз де қалыс қалмауымыз керек.
Нұрбол БИЖАНОВ,
аудандық жастар ресурстық орталығының директоры
