Жаңа кітап оқырманға жол тартты

Қазақстан Республикасы Тәуелсіздігінің 30 жылдығы қарсаңында Ұлттық қауіпсіздік комитеті «Отандық арнаулы қызметтің хроникалары» және «Мемлекеттік шекара» туындыларын жарыққа шығарды.

Кітаптар ұлттық қауіпсіздікті қамтамасыз ету және мемлекетіміздің шептерін қорғау ісіне лайықты үлес қосқан жедел қызметкерлер мен шекарашылардың қызметі туралы баяндайды.

ҚР ҰҚК Атырау облысы бойынша департаментінде Тәуелсіз Қазақстан тарихында болған құпия операциялар мен оған қатысқан тұлғалардың ерлігіне негізделген кітаптың тұсаукесері өтті. Шараға қатысқан департамент және шекара қызметінің ардагерлері бұл Ұлттық Қауіпсіздік комитетінің тарихындағы құпия операциялар туралы жазылған алғашқы кітап екенін айтады.

-Біздің мақсат – елді , оның тыныштығын және қауіпсіздігін қорғау. Осы отыз жылдың ішінде небір операциялар болды… Міне, сол құпия қызметтер қазақ және орыс тілінде қағазға басылып, қалың оқырманға жол тартты. Шығармада Қауіпсіздік комитеті Атырау облысы бойынша департаментінің қызметкерлері қатысқан арнайы операция жайлы да жазылған. Тарихи құжаттар, фотосуреттермен көркемделген. Сондай-ақ, шекарадан заңсыз өтіп, есірткі тасымалдайтындарды тұтқындау, адамдарды құтқару сынды қауіпті қызметтердің қалай орындалғанын оқуға болады, – дейді департаменттің ардагерлер кеңесінің төрағасы Әділхан Ақботин.

Ал, шекара қызметінің 2-ші дәрежелі капитаны Ардақ Әмірғалиев «Мемлекеттік шекара»кітабының шекараны күзету ісіне өлшеусіз үлес қосқан жасыл күнқағарлы жауынгерлерге арналғанын айтады.

Кітапты қолына алып, беттерін ашқан сәттен бастап, оқырман өзін кейіпкерлермен бірге ел шебінде жүргендей, біресе жаяу, бірде атпен, тағы бірде итпен бірге қаруын серт ұстап, тау асып, тас басқандай, су кешіп, теңіздің толқындарына қарсы жүзгендей әсерге бөленеді. Сондықтан кітап өз оқырманын табады деп сенемін, – дейді шекарашы.

Баспадан енді шыққан туындыны «Меломан» кітап дүкенінен сатып алуға немесе kitap.kz интернет платформасынан электронды нұсқасын оқуға болады.

 

Майра ОРАЗҒАЛИЕВА

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Референдум

referendum-banner-1

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика