Қазақстан Республикасының ҚК БШ Ұйымдастыру-жұмылдыру жұмыстары департаментінің бастығының жеделхат бойынша биылғы жылдың оқу кезеңінде 12 маусым мен 12 қазан аралығында Әскери техникалық мектеп филиалдары арқылы ақысыз негізде «ВС1С» санаттағы әскери жүргізушілерді даярлау жоспарына сәйкес және Атырау облысы қорғаныс істері жөніндегі Департаментінің былтырғы жылдың 28 желтоқсандағы №S0622188-ші нұсқауына сай, ауданымыздың жастарын әскери жүргізуші мамандығына оқуға шақырамыз. Жас ерекшеліктері 18-22 жас аралығы болса, оқу мерзімі 3 ай. Жалпы оқу Орал қаласында өтеді. Оған қоса, жататын жері мен 3 мезгіл тамағы тегін.
Осыған байланысты ӘТМ филиалы арқылы ақысыз негізде «ВСIС» санаттағы әскери жүргізуші мамандығына оқуға баратын үміткерлер болса аудандық қорғаныс істері жөніндегі бөліміне келуіне немесе 2-14-43, 2-11-04 телефондарына жауапты қызметкермен хабарласуларына болады.
Нұржан МӘДІҒАЛИ,
Әскери қызметке, әскерге шақыру жөніндегі
инспектор
