Бүгін, яғни 30 қараша күні Қазақстан Республикасының Тұңғыш Президенті күні қарсаңында, "Нұрлы жер" тұрғын үй құрылысы бағдарламасы бойынша Қызылқоға ауданына қарасты Сағыз ауылдық округінде салынған 8 тұрғын үйді осыған дейін үй кезегінде тұрған көпбалалы 8 отбасыға табыстады.

Онда ең алдымен сөз сөйлеген аудан әкімі Нұрсұлтан Бисембиев тұрғын үй иелерін құттықтап, кілттерін табыстады. Сондай-ақ, Сағыз ауылдық округі Ардагерлер кеңесінің төрағасы Серік Төлеуішұлы құттықтау сөз сөйлеп, "Айдана-ай" бишілер тобы биден шашу шашты.

А.ЖАЛҒАСҚЫЗЫ

Сурет: Б.Бердіғалиевтен