Құрметті көлік жүргізушілер назарына!
Жол-көлік оқиғаларының алдын алу және жол қозғалысына қатысушылардың қауіпсіздігін қамтамасыз ету мақсатында, автокөлік құралдарының жарық жүйесіне қатысты заңбұзушылықтардың алдын алу үшін 15 мамыр мен 30 мамыр аралығында рейдтік іс-шаралар өткізілуде.
Атап айтқанда, көлік құралдарына рұқсатсыз қайта жабдықтау, соның ішінде түнгі уақытта қарсы бағыттағы көлік жүргізушілерінің көзін шағылыстыратын лэд, ксенон жарық шамдарын орнату фактілерін анықтау жұмыстары жүргізіледі.
Осы ретте, жүргізушілерден техникалық регламент талаптарын сақтау, көлік құралдарын заңсыз қайта жабдықтамау, заң талаптарын мүлтіксіз орындау қажеттігін ескертеміз.
