Миялылықтар бір күнде 300 түп тал отырғызды

Мемлекет басшысы Қасым-Жомарт Тоқаев Қазақстан халқына арнаған биылғы Жолдауында «Бес жыл ішінде орман алқабында 2 миллиард, елді мекендерде 15 миллион ағаш отырғызылатын болады.

Бұл еліміздегі көгалдандыру ауқымын кеңейтуге септігін тигізеді» деген болатын. Бұл ретте, өткен аптаның сенбісі күні орманшылардың кәсіби мерекесіне орай Миялы ауылында тал егу акциясы өтті. Аталмыш шараға аудан әкімінің орынбасарлары, мекеме, бөлім басшылары қызметкерлерімен, еріктілер қатысып, 300 түп тал көшеттерін отырғызды. Бұл талдар А.Құнанбаев көшесінің бойындағы және Е.Нұршаев ықшам ауданының шығыс бетіндегі тал қоршауларына егіліп, суарылды.

– Ауылды көгалдандыру мақсатында егілген жас көшет көршілес Ойыл ауданынан әкелінді. Шаран, үйеңкі, терек, қарағай, қаратал көшеттерін отырғызуға жүзге жуық ауыл тұрғындары қатысты, - дейді Миялы ауылдық округінің әкімі Сәндібек Салықов.

Ал, Жангелдин, Ойыл, Көздіғара, Тасшағыл, Жамбыл, Қызылқоға және Тайсойған ауылдық округтерінде ұйымдастырылған тал егу акциясына екі жүздің үстінде адам қатысып, барлығы 420 түп тал көшеттері отырғызылды. Алдағы сенбі күні Сағыз ауылдық округі 300 түп, Мұқыр ауылдық округі 100 түп тал көшетін отырғызуға жерлерін дайындап, қоршауларын тұрғызуда.

Бауыржан САҚТАСИНОВ

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика