Мемлекет Басшысы Қасым-Жомарт Тоқаев өзінің Қазақстан халқына арнаған биылғы Жолдауында: «Шағын және орта бизнеске қатысты рейдерлік жиілеп кетті. Менің бұл мәселе бойынша ұстанымым айқын. Бизнестің дамуына, әсіресе шағын және орта бизнестің дамуына кедергі келтіруге бағытталған кез келген әрекет мемлекетке қарсы қылмыс ретінде қаралуы керек. Осыған байланысты заңнамалық тұрғыда қосымша шаралар қабылдау керек. Парламент пен Үкімет бұл мәселені шешудің жолын ұсынуы қажет. Сонымен бірге, көлеңкелі экономикаға қарсы іс-әрекетті күшейтіп, капиталды сыртқа шығаруға және салық төлеуден жалтаруға қарсы күресті қатаңдату керек», – деді. Айтуы орынды. Себебі, дамыған елдерде шағын және орта бизнес табыс көзі болып саналады. Тиімді шағын және орта бизнес – қала мен ауылды дамытудың берік негізі. Олай дейтінім, кәсіпкерлік саласы ең алдымен, ауыл тұрғындарына тұрақты жұмыс беріп, жұмыссыздықты азайтады. Сонымен қатар салық базасын құрап, жергілікті бюджетті нығайтады.

Зинеш САРБУФЕЕВА,

аудандық кәсіпкерлік және ауылшаруашылық бөлімінің басшысы