Қызылқоға ауданы прокуратурасының ғимаратында Атырау облысы прокурорының орынбасары Нұржан Серікұлы аудан тұрғындарымен жеке қабылдау өткізді. Қабылдауға аудан прокуроры және полиция бөлімінің басшылары қатысты.
Жеке қабылдауға келген азаматтардан әлеуметтік, экономикалық, сотқа дейінгі тергеп-тексеру, азаматтық, әкімшілік істер, атқарушылық іс жүргізу бойынша арызшағымдары қабылданып, түсінік берілді. Сондай-ақ алимент, жеңілдікпен несие алу мәселесі, кәсіпкерлік саласына қатысты сұрақтарға жауап берілді.
Облыс прокурорының орынбасары азаматтардың арыз-шағымдарын уақытылы, сапалы және жан-жақты қарау барлық мемлекеттік органдардың міндеті екендігін атап өтті.
