Енді атыраулық балалар қатаң белгіленген уақыт аралығында және ата-аналарының қадағалауымен ойын алаңдарында серуендей алады, деп хабарлайды Төтенше жағдайды қамтамасыз ету жөніндегі Жедел штаб.

Атырау облысының Бас санитарлық дәрігерінің 2020 жылғы 28 сәуірдегі қаулысына сәйкес, балаларға ойын алаңдарында жүруге рұқсат етілген.

Нақтылап айтқанда, балалар таңғы сағат 10: 00-ден 12: 00-ге дейін, кешкі сағат 17: 00-ден 20: 00-ге дейін ата-аналарының қадағалауымен тұрғылықты жерінен 200 метр қашықтықта жүре алады. Десе де, оларда маскалар мен антисептиктің болуы, санитарлық-эпидемиологиялық талаптардың сақталуы қатаң ескертіледі.

- Атырау қаласының әкімдігі ПИК және басқару компанияларымен бірлесіп балалар ойын алаңдарын дезинфекциялауды қамтамасыз етеді, делінген қаулыда.