Атырау облысында TalkyLaw атты жаңа подкаст жобасы іске қосылды. Бұл — ашық диалог, еркін пікір алмасу мен нақты шешімдер алаңы. Жоба Атырау облысы Ішкі саясат басқармасының бастамасымен жүзеге асырылып, қоғамды толғандыратын маңызды мәселелерді талқылауға бағытталған, деп хабарлайды AtyrauPress.
Алғашқы шығарылымның қонақтары: Қайсар Абдалиев – Атырау облыстық денсаулық сақтау басқармасының басшысы; Мира Рысқалиева – ҚР Денсаулық сақтау министрлігі жанындағы Қоғамдық кеңестің мүшесі, қоғам белсендісі. Қонақтар өз ой-пікірлерімен, ұсыныстарымен бөлісіп, маңызды сұрақтарға ашық жауап берді. TalkyLaw — бұл жай ғана подкаст емес, бұл — қоғамның шынайы дауысы естілетін алаң!
