Қазақстан Республикасы Сыбайлас жемқорлыққа қарсы іс-қимыл агенттігінің Атырау облысы бойынша департаменті ағымдағы жылғы 27 сәуір мен 12 маусым аралығында бюджет қаражатын, оның ішінде еңбекақы төлеу қорын жоспарлау және игеру мәселелері бойынша Атырау облысы Білім беру басқармасының қызметіндегі сыбайлас жемқорлық тәуекелдеріне сыртқы талдау жүргізеді.
Бұған еліміздің кейбір облыстарының білім беру қызметкерлеріне қатысты елеулі сыбайлас жемқорлық схемаларының бар екендігін растайтын резонанстық істер себеп болды.
Талданып отырған сала халық үшін өзекті болып табылатынын ескере отырып, белгілі әкімшілік кедергілер, сондай-ақ сыбайлас жемқорлыққа ықпал ететін себептер мен жағдайлар туралы мәліметтерді электрондық мекенжайларға жіберуді сұраймыз
Бұл ақпарат сыбайлас жемқорлық тәуекелдерін жою бойынша ұсынымдар әзірлеу үшін пайдаланылатын болады.
