Қызылқоға аудандық сотында ӘҚБтК-нің 200-бабының 3-бөлігімен, яғни алкоголь өнімін өткізу жөніндегі талаптарын бұзу бойынша, М.-ға қатысты әкімшілік іс қаралды.
ҚР «Этил спирті мен алкоголь өнімінің өндірілуін және айналымын мемлекеттік реттеу туралы» заңының 9-бабына сәйкес, этил спиртінің отыз пайыздан асатын көлемдік үлесімен сағат 21-ден келесі күнгі 12-ге дейін өткізуге тыйым салынған.
Іс материалдарына сай, М. сатып алушыға этил спиртінің 40% пайызы көлемдік үлесімен алкогольдік өнімін сағат 10.29-да сатып, алкоголь өнімін саудадан өткізу тәртібін бұзған.
Сот қаулысымен, құқықбұзушы М. ӘҚБтК-нің 200-бабының 3-бөлігімен кінәлі деп танылып, оған алкоголь өнімдерінің бөлшек саудасымен айналысуға мемлекеттік лицензияның қолданысын 1 (бір) айға тоқтата тұрып, 96 600 теңге әкімшілік айыппұл салынды.
Қызылқоға аудандық сотының баспасөз қызметі.
